Восем кандыдатаў удзельнічалі ў прэзідэнцкіх дэбатах у горадзе Коньске. Сустрэчу трансліравалі тры буйныя тэлестанцыі — TVP, TVN і Polsat.
Сярод удзельнікаў — лідар «Грамадзянскай кааліцыі» мэр Варшавы Рафал Тшаскоўскі, кандыдат ад «Права і справядлівасці» Караль Наўроцкі, кандыдатка ад «Левых сіл» Магдалена Беят, кандыдат ад групоўкі «Трэці шлях» Шыман Галоўня, Яанна Сенышын, Марэк Якубяк з групы свабодных рэспубліканцаў, а таксама Кшыштаф Станоўскі і Мацей Мацяк.
Дыскусія была падзеленая на тры тэматычныя блокі: бяспека, знешняя палітыка і эканоміка. Тэледэбаты таксама трансліраваў тэлеканал «Telewizja Republika».
Першапачаткова ў дэбатах у Коньске, арганізаваных выбарчымі штабамі, павінны былі ўдзельнічаць толькі Рафал Тшаскоўскі і Караль Наўроцкі. У пятніцу, непасрэдна перад падзеяй, кандыдат ГК звярнуўся з просьбай пашырыць дэбаты, уключыўшы ў яе іншых кандыдатаў, якія заявілі, што намераны прыехаць. У сацыяльных сетках Тшaскоўскі тлумачыў, што, паколькі іншыя кандыдаты выказалі жаданне ўдзельнічаць, дэбаты «павінны быць пашыраны» з павагі да кандыдатаў і выбаршчыкаў.
Раней «Telewizja Republika» арганізавала ўласныя дэбаты на рыначнай плошчы ў Коньске. Сярод удзельнікаў былі: кандыдат ад ПіС Караль Наўроцкі, кандыдат ад «Трэцяга шляху» Шыман Галоўня, а таксама Яанна Сенышын, Кшыштаф Станоўскі і Марэк Якубяк.
У Коньске на дэбатах, якія трансліравалі TVP, TVN і Polsat, не было Славаміра Менцэна, Адрыяна Зандберга, Гжэгажа Браўна і Марэка Воха.
IAR/нг